សូមកុំអនុម័តលើសេចក្តីព្រាងវិសោធនកម្មច្បាប់ស្តីពីសញ្ជាតិ
សូមកុំដកហូតសញ្ជាតិខ្មែរពីពលរដ្ឋខ្មែរ
ភ្នំពេញ ថ្ងៃទី២៤ ខែសីហា ឆ្នាំ២០២៥
យើងខ្ញុំ ជាស្ថាប័នប្រព័ន្ធផ្សព្វផ្សាយ និងអង្គការសង្គមស៊ីវិលធ្វើការលើសេរីភាពសារព័ត៌មាន ការការពារអ្នកសារព័ត៌មាន ការរាយការណ៍ព័ត៌មានប្រកបដោយវិជ្ជាជីវៈ បានរួមគ្នាចេញសេចក្តីថ្លែងការណ៍នេះ ដែលផ្តោតលើការផ្សព្វផ្សាយព័ត៌មានថ្មីៗទាក់ទងនឹងជម្លោះព្រំដែនរវាងកម្ពុជា-ថៃ និងសុវត្ថិភាពរបស់អ្នកសារព័ត៌មាន ដែល រាយការណ៍ពីតំបន់ជម្លោះនោះ។ យើងខ្ញុំសូមបញ្ជាក់ថា អ្នកសារព័ត៌មានមិនមែនជាគោលដៅនៅក្នុងជម្លោះនោះទេ រួមទាំងជម្លោះប្រដាប់អាវុធផងដែរ។ សុវត្ថិភាព និងឯករាជ្យភាពរបស់ពួកគេត្រូវតែគោរព និងការពារគ្រប់ពេលវេលាជាមួយនឹងកាតព្វកិច្ចរាយការណ៍ចំពោះជម្លោះដែលកើតឡើង ឬបរិយាកាសរាយការណ៍ដ៏រសើបនោះផងដែរ។ យើងសូមជំរុញឱ្យ អាជ្ញាធរកម្ពុជា-ថៃ ផ្តល់ព័ត៌មានទាន់ហេតុការណ៍ និងត្រឹមត្រូវសម្រាប់ការផ្សាយព័ត៌មាន ដើម្បីធានាឱ្យ បានទាន់ពេលវេលា និងតម្លាភាពក្នុងការទទួលបានព័ត៌មាន ដែលអាចទុកចិត្តបាន និងធានាសុវត្ថិភាព និងសេរីភាព សម្រាប់អ្នកសារព័ត៌មានទាំងអស់ដែលរាយការណ៍អំពីបញ្ហានេះ។ យើងខ្ញុំសូមជំរុញឱ្យភ្នាក់ងារប្រព័ន្ធផ្សព្វផ្សាយអន្តរជាតិ ក្នុងតំបន់ និងក្នុងប្រទេស ប្រកាន់ខ្ជាប់នូវ គោលការណ៍នៃការ រាយការណ៍ទូលំទូលាយ មានតុល្យភាព និងមិនលំអៀង ក៏ដូចជាការផ្តល់នូវឧបករណ៍ សុវត្ថិភាពសម្រាប់ ការពារដល់បុគ្គលិកផ្នែកគាំទ្រ និងអ្នកសារព័ត៌មានដែលបានរាយការណ៍នៅតំបន់នោះ។ យើងខ្ញុំសង្កេតឃើញថាជម្លោះព្រំដែនរយៈពេលប្រាំថ្ងៃបានឆ្លុះបញ្ចាំងនូវការរាយការណ៍តែភាគីម្ខាងដែលធ្វើឱ្យមានការភាន់ច្រឡំ និងមានព័ត៌មានមិនពិតជាច្រើន។ សូម្បីតែបន្ទាប់ពីមានបទឈប់បាញ់បានឈានដល់ ការព្រមព្រៀងគ្នារវាងប្រទេសទាំងពីរក៏ដោយ ប៉ុន្តែការរាយការណ៍ដែលមានភាពលំអៀងនៃភាគីម្ខាង និងភាគី ម្ខាងទៀតនៅតែបន្ត នឹងបង្កឱ្យមានការយល់ច្រឡំនិងការស្អប់ខ្ពើម។ យើងខ្ញុំសូមអំពាវនាវបន្ថែមទៀតដល់អ្នកសារព័ត៌មានទាំងអស់ មិនថាក្នុងស្រុក ឬអន្តរជាតិ ទាំងនៅប្រទេសកម្ពុជា ឬនៅប្រទេសថៃ អ្នកសារព័ត៌មានវិជ្ជាជីវៈ ឬពលរដ្ឋ ត្រូវប្រកាន់យ៉ាងម៉ឺងម៉ាត់ នូវក្រមសីលធម៌ វិជ្ជាជីវៈអ្នកសារព័ត៌មាន ដែលត្រូវបានទទួលស្គាល់ជាសាកល ជាពិសេសនៅពេលរាយការណ៍ អំពីបញ្ហា ព្រំដែនដ៏រសើប។ សារព័ត៌មានប្រកបដោយ ក្រមសីលធម៌វិជ្ជាជីរៈ ទាមទារភាពត្រឹមត្រូវ យុត្តិធម៌ និងកិច្ច ខិតខំប្រឹងប្រែងប្រកបដោយមនសិការ ដើម្បីជៀស វាងការភាន់ច្រឡំ ឬការបង្កើននូវជម្លោះបន្ថែមទៀត។ ក្នុងស្ថានភាពតានតឹង និងភាពមិនប្រាកដប្រជា សារព័ត៌មានដែលមានការទទួលខុសត្រូវ មានតួនាទីយ៉ាងសំខាន់ក្នុងការបង្កើតការយល់ដឹងជាសាធារណៈ និងលើកកម្ពស់សន្តិភាព។ ដូច្នេះ ការដែលភាគីពាក់ព័ន្ធទាំងអស់ រួមទាំងរដ្ឋាភិបាល ភ្នាក់ងារសារព័ត៌មាន និងអ្នកសារព័ត៌មាន ត្រូវលើកកម្ពស់ ការទទួលខុសត្រូវរៀងៗ ខ្លួនក្នុងការការពារអ្នកសារព័ត៌មាន និងធានាការផ្សាយព័ត៌មានប្រកបដោយយុត្តិធម៌ ពិតប្រាកដ និងក្រមសីលធម៌ វិជ្ជាជីរៈ ពិតជាមានសារៈសំខាន់ខ្លាំងណាស់។ សេចក្តីថ្លែងការណ៍នេះត្រូវបានគាំទ្ររួមគ្នាដោយ៖
- សមាគមសម្ព័ន្ធអ្នកសារព័ត៌មានកម្ពុជា (ខេមបូចា)
- មជ្ឈមណ្ឌលសិទ្ធិមនុស្សកម្ពុជា (ម.ស.ម.ក)
- អង្គការលើកកម្ពស់ប្រព័ន្ធផ្សព្វផ្សាយ និងសារគមនាគមន៍ (CMPO)
- មជ្ឈមណ្ឌដើម្បីសារព័ត៌មានឯករាជ្យ (CIJ)
- សហភាពជាតិអ្នកកាសែតហ្វីលីពីន (NUJP)
- សម្ព័ន្ធអ្នកកាសែតឯករាជ្យ (AJI)
- Gerakan Media Merdek (Geramm)
- មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (ស៊ីស៊ីអាយអឹម)
- ក្លឹបអ្នកសារព័ត៌មានក្រៅប្រទេសកម្ពុជា (OPCC)
- មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់)
- អង្គការសម្ព័ន្ធខ្មែរជំរឿន និងការពារសិទ្ធិមនុស្ស (លីកាដូ)
- Prachatai
- សហព័ន្ធអ្នកសារព័ត៌មានអន្តរជាតិ (IFJ)
- អង្គការអ្នកសារព័ត៌មានគ្មានព្រំដែន (RSF)
- សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា (ADHOC)
- វិទ្យាស្ថានប្រជាធិបតេយ្យកម្ពុជា (CID)
ទាញយកនៅទីនេះ៖ សេចក្តីថ្លែងការណ៍រួម (ភាសាខ្មែរ) សេចក្តីថ្លែងការណ៍រួម (ភាសាអង់គ្លេស)