កម្មវិធីចងក្រង

កម្មវិធីចងក្រងរបស់ អង្គការសង់ត្រាល់ មានភារកិច្ចបណ្តុះបណ្តាលសកម្មជនការងារឯករាជ្យ ថ្នាក់ដឹកនាំសហជីព និងក្រុមអ្នកធ្វើការនៅកម្ពុជាដែលមានចែងក្នុងច្បាប់ការងាររបស់ប្រទេសកម្ពុជា និងសិទ្ធិជាមូលដ្ឋានស្របច្បាប់ ដែលពួកគេមាន។ គោលដៅយុទ្ធសាស្ត្ររួមគឺដើម្បីរួមចំណែកធ្វើឱ្យមានការគោរពសេរីភាពជាមូលដ្ឋានរបស់កម្មករ និងការទទួលស្គាល់សិទ្ធិរបស់សហជីព។ 

សកម្មភាពសំខាន់ៗ៖  

    ១./ ចងក្រងកម្មករ​ពី​វិស័យ​ផ្សេងៗ ផ្សព្វផ្សាយ​ព័ត៌មាន​អំពី​សេរីភាព​នៃ​ការ​បង្កើត​សមាគម សិទ្ធិ​កម្មករ និង​សិទ្ធិ​សហជីព។  

    ២./ រៀបចំវគ្គបណ្តុះបណ្តាល និងសិក្ខាសាលាស្តីពីការអប់រំផ្ទៃក្នុងរបស់សហជីពតាមបែបលទ្ធិប្រជាធិបតេយ្យ និងប្រធានបទពាក់ព័ន្ធផ្សេងទៀត ដូចជា កិច្ចគាំពារសង្គម / បេឡាជាតិរបបសន្តិសុខសង្គម (ប.ស.ស) ដើម្បីឱ្យកម្មករបង្កើនការយល់ដឹងអំពីសកម្មភាព និងតួនាទីរបស់សហជីព ព្រមទាំងការយល់ដឹងអំពីសិទ្ធិ ស្របច្បាប់ ដើម្បីឱ្យពួកគេអាចអនុវត្តវាប្រកបដោយប្រសិទ្ធភាព។  

    ៣./ រួមគ្នាជាមួយកម្មវិធីការពារ ក្នុងការផ្តល់ការបណ្តុះបណ្តាលស្តីពីច្បាប់ការងារ ច្បាប់សហជីព និងច្បាប់ពាក់ព័ន្ធផ្សេងទៀតដល់កម្មករនិយោជិតក្នុងវិស័យផ្សេងៗដើម្បីឱ្យពួកគេយល់ដឹងអំពីសិទ្ធិរបស់ពួកគេ និងផ្តល់សិទ្ធិអំណាចក្នុងការអនុវត្តសិទ្ធិទាំងនោះបានពេញលេញ។