អាជ្ញាធរថៃ ផ្អាកស្រង់ទិន្នន័យពលករ និងលិខិតស្នាមផ្សេងៗដល់ដើមខែសីហា
មន្ត្រីកម្មវិធីនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) លោក ឌី ថេហូយ៉ា បានប្រាប់កាសែត ខ្មែរថាមស៍ កាលពីថ្ងៃព្រហស្បតិ៍ ម្សិលមិញថា ពលករដែលទៅធ្វើការនៅថៃ តែងតែមានការបង់ថ្លៃសេវាក្រៅផ្លូវការដល់មន្ត្រីនៅតាមច្រកព្រំដែនពី៣០០ ទៅ៤០០បាត (ប្រាក់ថៃ) ឬអាចដល់៥០០បាតថែមទៀតផង។
លោកបានឲ្យដឹងទៀតថា តាមអ្វីដែលលោកធ្លាប់បានធ្វើការជាមួយនឹងពលករចំណាកស្រុកទៅធ្វើការនៅប្រទេសថៃ នោះ ពួកគេត្រូវចំណាយកម្រៃច្រើនដែលមិនត្រឹមតែតម្លៃ១០០០ ទៅ២០០០បាតទេ ប៉ុន្តែមានខ្លះត្រូវចំណាយដល់៧០០០ ទៅ៨០០០បាត ឬរហូតដល់១០០០០បាត ទម្រាំតែពួកគាត់ទទួលបានឯកសារទៅធ្វើការនៅទីនោះ។
លោក ថា រយៈពេលនៃការធ្វើការងារលើឯកសារពលករនោះ មិនបានសម្រួលឲ្យបានគ្រប់ជ្រុងជ្រោយនៅឡើយទេ។ លោកថ្លែងថា៖ «ប្រសិនបើក្រសួងការងារពិតជាមានឆន្ទៈក្នុងការដោះស្រាយបញ្ហាពិតប្រាកដដូចដែលបានជូនដំណឹងនេះមែន យើងសាទរចំពោះរឿងនេះ ប៉ុន្តែយើងក៏ចាំមើលដែរថា តើការប្រកាសរបស់ក្រសួងនេះមានប្រសិទ្ធភាពដែរ ឬអត់ ដោយសារបញ្ហាកន្លងមកមានចំណាត់ការលើការផ្ដល់ភាពស្របច្បាប់ដល់ពលករខ្មែរ ប៉ុន្តែយើងមិនទាន់បានឃើញមានភាពល្អប្រសើរនៅឡើយទេ»។
អានបន្ថែម៖ http://goo.gl/i31tlE
This post is also available in: អង់គ្លេស
