កម្មករ​រោង​ចក្រ​កាត់​ដេរ​ លីដា ១០នាក់ដួលសន្លប់

កម្មកររោងចក្រ លីដា ខាមបូឌា ហ្គាមិន ដែលស្ថិតភូមិទ្រាមួយ សង្កាត់ស្ទឹងមានជ័យ ខណ្ឌមានជ័យ ប្រមាណ១០នាក់កាលពីព្រឹកថ្ងៃទី៣០ ខែមិថុនា ឆ្នាំ២០១៦។

តាមការរៀបរាប់របស់កម្មករបានឲ្យ ដឹងថា ពួកគេបានចូលធ្វើការតាំងពីម៉ោង៧ព្រឹក ហើយនៅម៉ោង៨ព្រឹក មានផ្នែកដេរសន្លប់ ហើយនៅម៉ោងប្រហែល ៩ព្រឹកក៏មានការដួលបន្តបន្ទាប់។ កម្មករក៏នាំគ្នារត់ចេញមកក្រៅរោងចក្រ។

កម្មកររោងចក្រលីដា បានដួលសន្លប់រយៈពេលបួនថ្ងៃមកហើយ គឺចាប់ពីថ្ងៃទី ២៧ ខែមិថុនា ឆ្នាំ២០១៦ តែមិនមានច្រើនដូចថ្ងៃនេះ។

គេនៅមិនទាន់ដឹងពីមូលហេតុនៃការដួលសន្លប់នោះទេ។ អ្នកស្រីសាក់ ស្រីណាក់ តំណាងសម្ព័ន្ធសហជីពដើម្បីកម្មករកម្ពុជា បានឲ្យដឹងថា កម្មករ១០នាក់បានសន្លប់ ៨នាក់បញ្ជូនទៅកាន់ពេទ្យឯកជន ២នាក់ផ្សេងទៀតបានត្រឡប់ទៅផ្ទះវិញ។